Presidenti ukrainas Volodymyr Zelensky po u kërkon aleatëve perëndimorë raketa me rreze të gjatë veprimi dhe avionë luftarakë për luftë në Ukrainë, kjo pasi Uashingtoni dhe Berlini dhanë miratimin për dërgimin e tankeve në Kiev.
“Unë fola sot me Sekretarin e Përgjithshëm të NATO-s, Jens Stoltenberg . Ne duhet të hapim furnizimin me raketa me rreze të gjatë veprimi në Ukrainë, kjo është e rëndësishme: ne gjithashtu duhet të zgjerojmë bashkëpunimin tonë në artileri dhe të bëjmë të mundur furnizimin e avionëve për Ukrainën. ”, tha Zelensky në fjalimin e tij. m.b./dita
