Zgjedhjet e mesmandatit në SHBA, vijon gara në 8 shtete, Xhorxhia drejt balotazhit. Biden: Populli amerikan ka folur

Republikanët po afrohen me një shumicë të ngushtë për të marr kontrollin e Dhomës së Përfaqësuesve. Tashmë, kontrolli i Senatit varet nga garat e ngushta të Arizonës, Nevadës dhe Xhorxhias.

Demokrati John Fetterman sapo ka shpallur fitoren në Pensilvani, ndoshta gara e profilit më të lartë në Senat në këto zgjedhje.

Demokratët gjithashtu morën fitoren në garat për Senatin në New Hampshire dhe Washington, ndërsa republikanët u mbijetuan sfidave në Ohio dhe Karolinën e Veriut. Guvernatori i Floridës Ron DeSantis fitoi rizgjedhjen me një diferencë dërrmuese prej 1.5 milionë votash, duke nxitur spekulime të mëtejshme se republikani mund të kandidojë për president pas dy vitesh.

Republikanët fituan garat për guvernator në Teksas dhe Georgia kundër kundërshtarëve të profilit të lartë demokratë. Demokratët ndryshuan dy vendet e guvernatorit të mbajtura nga republikanët në Massachusetts dhe Maryland, ndërsa mposhtën sfiduesit në Pensilvani dhe Nju Jork.

Georgia po shkon drejt balotazhit të zgjedhjeve në garën për Senatin e SHBA-së, sipas senatorit Raphael Warnock, kandidati demokrat për shtetin.

Presidenti amerikan Joe Biden ka përcjellë mesazhin e parë të tij pas zgjedhjeve të mesmandatit të 8 nëntorit, të cilat janë një tregues sesi mund të shkojnë presidencialet e 2024.

Sipas Biden, demokratët morën rezultate më te mira nga sa pritej.

“Dhe unë mendoj se ishte një ditë e mirë për Amerikën”, tha presidenti nga Shtëpia e Bardhë.

“Demokracia jonë është testuar vitet e fundit, por me votat e tyre, populli amerikan ka folur dhe ka dëshmuar edhe një herë se demokracia është ajo që jemi”, shtoi ai.

“Zgjedhjet ndodhën pa shumë ndërhyrje fare ose pa asnjë ndërhyrje. Ndërsa shtypi dhe ekspertët po parashikonin një valë gjigante të kuqe, kjo nuk ndodhi. Unë e di që ju u mërzitët disi nga optimizmi im i fiksuar, por u ndjeva mirë gjatë gjithë procesit”, deklaroi Biden.

Biden tha se çdo vend i humbur nga partia e tij është i dhimbshëm. Por ai vuri në dukje se partia e tij humbi më pak vende në Dhomën e Përfaqësuesve se çdo zgjedhje afatmesme në 40 vitet e fundit.

j.l./ dita