Sot ka nisur procesi i votimit jashtë Kosovës për zgjedhjet e parakohshme për Kuvendin e Kosovës, të planifikuara më 28 dhjetor.
Qytetarët kosovarë me të drejtë vote mund të ushtrojnë të drejtën e tyre në 29 përfaqësi diplomatike të vendit, të vendosura në 18 shtete të ndryshme të botës.
Qendra e parë e votimit jashtë vendit është Konsullata e Kosovës në Stamboll, ku procesi ka nisur në orën 07:00 dhe ku janë regjistruar 116 qytetarë me të drejtë vote.
Sipas Ligjit të ri për zgjedhjet, qytetarët jashtë vendit mund të votojnë përmes postës, dërgimit të pakos në KQZ në Kosovë dhe në mënyrë fizike në përfaqësitë diplomatike.
Komisioni Qendror i Zgjedhjeve ka bërë të ditura procedurat dhe udhëzimet për zhvillimin e procesit, duke sqaruar mënyrën se si qytetarët jashtë vendit duhet të kryejnë votimin.
Në total, përmes përfaqësive diplomatike jashtë vendit kanë të drejtë vote mbi 19,187 qytetarë të regjistruar.
Ndërkohë, sot përfundon edhe faza e fushatës elektorale për subjektet politike që do të garojnë në zgjedhjet e parakohshme për Kuvendin.
Lidhja Demokratike e Kosovës ishte e para që mbylli fushatën me tubimin përmbyllës mbrëmë, ndërsa sot Aleanca për Ardhmërinë e Kosovës do të mbajë tubimin e saj përmbyllës në një nga hotelet e Prishtinës, duke nisur nga ora 14:00.
Partia Demokratike e Kosovës ka parashikuar përmbylljen e fushatës për ora 17:30, ndërsa Lëvizja Vetëvendosje do të zhvillojë tubimin e saj përmbyllës në orën 18:00.
Sipas Ligjit të ri për zgjedhjet, subjektet politike mund të zhvillojnë fushatën deri në fillimin e procesit të votimit, i cili fillon nesër në orën 07:00 në Kosovë.
Më 28 dhjetor, ditën e diel, Kosova voton në zgjedhjet e parakohshme parlamentare, të cilat janë të dytat që mbahen brenda këtij viti.
Votimi ka filluar në 29 përfaqësi diplomatike në 18 shtete të ndryshme të botës. Shtetasit e Republikës së Kosovës, të regjistruar për votim në Ambasadat jashtë vendit, kanë filluar tashmë të hedhin votat. Në këtë proces kanë të drejtë vote mbi 19, 187 votues.
j.l./ dita
Dy Kongresmene amerikane i kane derguar nje leter kryeministrit Albin Kurti,per ti treguar Mbeshtetjen Amerikane per Kosoven.
Madje te dy partive.Integriteti i kufijve te Kosoves NUK PREKET. Kjo ka terbuar presidentin serb Vucic,qe po cfryn per armatosjen e Kosoves nga Turqia ne nje loje per te terhequr vemendjen Amerikane.
Serbia e Vucic eshte armatosur nga Rusia,Franca,Turqia,Italia dhe eshte kthyer ne nje Fuqi kercenuese per Rajonin,por kjo eshte normale per Vucicin.Vetem Kosova te mos armatoset.
albin Kurti me qendresen e Tij heroike per te mos falur asnje pellembe Territori te Kosoves,ka fituar Admirimin e botes Demokratike e liridashese deri ne Kongresin Amerikan.
Nbeshtetja Amerikane per Kosoven Shtet te pandare eshte sihariqi me i rendesishem i ketij fundviti.KUFIJT E KOSOVES NUK PREKEN.
Mbeshtetja plebishitare per Albin Kurtin eshte mbeshtetje per Kosoven Shtet nga cepi ne cep,me kufij te pandare,
Nuk e ben kushdo.