Një zjarr i përmasave të mëdha ka rënë në kurorën e gjelbërt të qytetit të Laçit pranë rrugës që të çon në kishën e Shna Ndout.
Zjarri është përhapur në një sipërfaqe të madhe duke vënë në rrezik zonën e banuar.
Në terren ndodhen forcat zjarrfikëse dhe emergjencat civile, ndërsa pritet të ndërhyhet edhe nga ajri.
Policia e Shtetit informon se ka ndalur në flagrancë njërin nga autorët e kësaj zjarrivënies shtetasin V.H. 41 vjeç.
Ministria e Mbrojtjes informon se 50 efektivë të Forcave të Armatosura së bashku dhe me helikopterni Cugar dhe 2 mjete zjarrëfikëse janë mobilizuar për të ndihmuar në shuarjen e zjarrit masiv në bashkinë e Kurbinit.
“Situata është sfiduese për shkak të terrenit të vështirë, ku zjarri është përhapur shpejtësisht” informon ministria e Mbrojtjes.
Ministri i Brendshëm Taulant Balla deklaron se jemi përpara një ndër situatat më të vështira të krijuara gjatë këtij viti. “Në Bashkinë Kurbin, në masivin me pisha pranë qytetit të Laçit, kemi një ndër situatat më të vështira të krijuar nga zjarret gjatë këtij viti.
Ndërsa forcat zjarrëfikëse të gjitha bashkive pranë Kurbinit janë urdhëruar të ndërhynë, edhe Emergiencat Civile, Forcat e Armatosura dhe Forcat e Ndërhyrjes së Shpejtë janë nisur për në Laç. Policia e Shtetit ka ndalur në flagrancë njërin nga autorët e kësaj zjarrivënie (shtetasi V.H. 41 vjeç)”.
Ai së bashku me kryetaren e pushtetit vendor në Laç kanë mbërritur menjëherë në vendngjarje për të ndjekur nga afër situatën.
