Ministria e Shëndetësisë reagoi pas zjarri që regjistrua rreth orës 05:30 minuta në urgjencën e re të QSUT-së në Tiranë, duke theksuar se situata është normalizuar.
“Në orët e para të mëngjesit të ditës së sotme në katin -1 të godinës së QSUT është raportuar tym. Menjëherë janë marrë masat për sigurimin e pacientëve të shtruar dhe situata u vu nën kontroll në një kohë rekord dhe shkaqet e tymit po hetohen. Situata është në monitorim të vazhdueshëm dhe pacientët janë të gjithë jashtë rrezikut për jetën, falë angazhimit të personelit mjekësor dhe atij zjarrfikës. Çdo gjë është nën kontroll dhe gjendja paraqitet e qetë”, sqaron Ministria.
Sipas informacioneve paraprake nga policia, dyshohet se si pasojë e një shkëndije, zjarri ka rënë në bodrum.
Zjarri është fikur dhe si pasojë e tij nuk ka persona të dëmtuar, ndërkaq grupi hetimor po punon për zbardhjen e rrethanave të ngjarjes.
j.l./ dita
