Nuk janë vetëm zërat brenda Kosovës që kundërshtojnë Asosacionin. Edhe presidentja e Komitetit serb të Helsinkit, Sonja Biserko thotë se Asosacioni në Kosovë, nuk duhet të formohet sipas modelit boshnjak, të quajtur Republika Srpska.
Në një intervistë për Euroneës Albania, Biserko deklaroi se Kosova duhet t’i përmbahet kushtetutës dhe ligjeve të saj.
“Ambasadori amerikan në Kosovë tha se nuk do të ketë një Asocacion të tipit Republika Srpska në Bosnje dhe Hercegovinë. Është diçka që duhet shmangur dhe për të cilin komuniteti ndërkombëtar është i vetëdijshëm.
Kosova duhet t’i përmbahet kushtetutës dhe ligjeve të saj. E kam mbështetur atë që thashë dhe i qëndroj ende atyre që kam thënë. Të dyja palët, si Prishtina dhe Beogradi kanë bërë disa kompromise, por ajo që do të arrihet, nuk duhet të jetë sipas modelit të Republikës Srpska”, theksoi ajo.
