Policia ka zbardhur ngjarjen e ndodhur pak ditë më parë në Kamëz, ku një 27 vjeçare i dha fund jetës duke u hedhur nga pallati.
Sipas Policisë, dyshohet se e reja ka ndërmarrë aktin ekstrem për shkak të publikimit të një fotografie intime.
Për këtë në pranga është vënë 39-vjeçari Altin Çoku.
39-vjeçari dyshohet se i ka publikuar foton intime 27-vjeçares dhe akuzohet për veprën penale “Shkaktimi i vetëvrasjes”.
Ngjarja e rëndë ndodhi me datë 10 Shkurt në rrugën “Teuta” në Kamëz, ku e reja u vetëhodh nga tarraca e katit të katërt dhe për pasojë humbi jetën nga dëmtimet e marra.
Dyshohet se nuk ishte rasti i parë që 39-vjeçari bënte presione të tilla ndaj vajzave. Policia po verifikon edhe një rast tjetër në Laç, ku dyshohet se 39-vjeçari ka shantazhuar me foto intime një vajzë tjetër.
Njoftimi i Policisë:
I publikoi një foto intime një 27-vjeçareje, e cila për këtë shkak dyshohet se u vetëhodh nga tarraca e katit të katërt dhe për pasojë humbi jetën, kapet dhe vihet në pranga 39-vjeçari.
Shërbimet e Komisariatit të Policisë Nr. 5, nisur nga dyshimet e krijuara mbi ngjarjen e ndodhur më datë 10.02.2024, në rrugën “Teuta”, ku u vetëhodh nga tarraca e katit të 4-t, një shtetase, e cila si pasojë e dëmtimeve të marra humbi jetën, kanë vijuar veprimet hetimore të thelluara, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për të bërë të mundur zbardhjen e rrethanave të ngjarjes.
Në vijim të veprimeve hetimore të kryera, specialistët për Hetimin e Krimeve në Komisariatin e Policisë Nr. 5 bënë ndalimin me iniciativë të shtetasit:
– A. Ç., 39 vjeç, për veprën penale “Shkaktimi i vetëvrasjes”.
Ky shtetas dyshohet se ka publikuar një foto intime të 27-vjeçares, e cila dyshohet se për këtë shkak është vetëhedhur nga tarraca e katit të 4-t dhe si pasojë e dëmtimeve të marra, ka humbur jetën.
Materialet procedurale i kaluan Prokurorisë, për veprime të mëtejshme.
j.l./ dita
Plehre,
Plehre,mjete ne ku I Japan femijet tane.