Nga Lucia Schulten
Pasojat e rënies së qeverisë së tretë franceze brenda 12 muajsh mund të ndikojnë edhe në BE dhe Ukrainë.
Rrëzimi i qeverisë franceze pritet të shkaktojë shumë paqëndrueshmëri për Francën, ekonominë e dytë më të madhe të Bashkimit Evropian pas Gjermanisë. Këto vende quhen shpesh “motori i integrimit evropian”, prandaj Brukseli po i ndjek me interes zhvillimet në Paris.
Eric Maurice, analist politikash pranë Qendrës së Politikave Evropiane, nuk pret që ndikimi të jetë aq i rëndë sa gjatë krizës së euros që filloi në vitin 2008. Megjithatë paqëndrueshmëria në Francë mund të ketë pasoja ekonomike për pjesën tjetër të BE-së – për shembull, për shkak të mungesës së investimeve ose të uljes së produktivitetit.
Tani presidenti Macron do të detyrohet të gjejë sërish një pasues, të cilit do t’i duhet të punojë në të njëjtin mjedis të brishtë dhe të përballet me të njëjtat probleme buxhetore si edhe François Bayrou, që humbi votëbesimin në parlament, apo paraardhësit e tij.
Asambleja Kombëtare e Francës ka 577 deputetë. Deputetët e ekstremit të djathtë dhe të majtë, të cilët para seancës së votëbesimit për kryeministrin Bayrou kishin thënë se do të votonin kundër qeverisë së ttij, kanë mbi 320 vende në Asamblenë Kombëtare, ndërsa centristët dhe aleatët konservatorë kanë 210 vende.
Pasoja politike për BE-në
Pra në rast se Franca do të përballet me bllokada politike, kjo do të kishte pasoja politike edhe për BE-në. Për shembull, pa një qeveri të re ka mundësi që Franca të mos pozicionohet qartë dhe të mos mbajë qëndrim brenda BE-së lidhur me çështje të tilla si migracionin, politikën bujqësore, tregtare apo industriale. Po ashtu nën një qeveri të re mund të ndryshojë edhe roli i Francës në BE.
Në frontin e politikës së jashtme nuk pritet të ndryshojë asgjë, për shembull në lidhje me Ukrainën, për sa kohë që presidenti Macron mbetet në detyrë. Megjithatë politologu Maurice thotë se për Macronin do të jetë e vështirë që t’i përmbushë planet tij. Për shembull rritja e planifikuar e buxhetit të mbrojtjes do të jetë e vështirë, nëse nuk ka buxhet ose nëse miratimi i tij shtyhet.
Lucia Schulten – korrespondente nga Europa me fokus të veçantë te gjykatat ndërkombëtare.
A do shperthej kriza fuqishem ne Europe ??? MOS haroni se kriza ka filluar ne 2008. Do te kemi nje revolucion Fracez apo lufte. Globalizmi rrezoi Socializmin,me sa duket Globalizmi po rrezon edhe Kapitalizmin. Kjo metodologji e njeanshme nuk ka lidhje me Marksistet zoti Trump .
Qerren e BE e terheqin Gjermania dhe Franca,.Hostenin ne dore e mbajne Belgjika dhe hollanda.Punojne qorrat,hajne horrat.
Që të dyja edhe Gjermania është në recesion, ndërsa Francën nuk ka ku e zë qeni si ekonomikisht edhe politikisht . Nesër fillojnë protestat masive në Francë kundër Makronit . Belgjika dhe Hollanda nuk kanë asnjë influencë sepse janë shtete të vegjël janë mirë për veten e tyre. Aktualisht më mirë është Italia dhe Spanja .
Xhaxhi e tërhiqnin qeren dikur Gjermania e Franca tani i kanë të dy qetë të sëmurë e të mplakur . Makronit i kërkohet dorëheqja Franca në recesion të thellë ekonomik është e treta qeveri që bije brënda një viti . Gjermania pa rritje ekonomike.
Mbas ksaj jan usa e çifutët, çdo shtet që ju del kunder kanë lëkundje në qeveri.