Një aksident me pasojë vdekjen e një personi është shënuar pasditen e së mërkurës në aksin Lezhë-Shëngjin. Policia tha se një kamion me drejtues shtetasin Xh. D., është përplasur me automjetin me drejtues shtetasin P. Z., 30 vjeç.
Nga përplasja ka humbur jetën 30-vjeçari dhe janë dëmtuar pasagjerja në automjetin që drejtonte ai, shtetasja Zh. H., 40 vjeçe, si dhe shtetasi Xh. D.. Të dëmtuarit janë transportuar në spital dhe aktualisht janë në kujdesin e mjekëve.
Një grup i posaçëm hetimor është në vendngjarje dhe po punon për zbardhjen dhe dokumentimin e rrethanave të aksidentit.
i.b./dita
