Kryeministri Edi Rama pritet të mbledhë në fundjavë për një analizë të thelluar kabinetin qeveritar, por edhe drejtuesit politikë dhe krerët socialistë të bashkive. Parashikohet që kjo analizë, e cila me gjasë do të jetë periodike deri në zgjedhje, do të shërbejë për të verifikuar të gjitha problematikat dhe shqetësimet e qytetarëve, por edhe një raportim të plotë e të detajuar të punës organizative në Partinë Socialiste.
Kabineti qeveritar, zëvendësministra, drejtues institucionesh, por edhe të deleguarit e qarqeve do të mblidhen në Shkodër, ndërsa pritet që ata të diskutojnë me kryeministrin Rama përmbushjen e detyrave të caktuara nga analiza e shkuar, që u mbajt në Shëngjin në janar.
Në këtë analizë, që ndahet në disa panele, diskutohet edhe për angazhimin direkt në terren të strukturave socialiste për rigjallërimin e bazës së partisë deri në zgjedhjet e përgjithshme dhe kongresit të jashtëzakonshëm zgjedhor. Prej disa javësh socialistët kanë zbritur në bazë, në takime me strukturat dhe kanë nisur procesin e zgjerimit në parti dhe fushatën reale të anëtarësimeve të reja.
Duke u ndalur te procesi i rienergjizimit të PS-së, Edi Rama nënvizoi tri ditë më parë se vetëpërmirësimi i forcës që ai drejton mbetet një detyrim në kushtet kur nuk ka konkurrencë politike nga ana e opozitës.
Rama shpërndau në mënyre simbolike dhe disa karta anëtarësimi dhe kërkoi nga forumet e kësaj dege që të provojnë çdo ditë që Partia Socialiste është e hapur për të gjithë. Në fjalën e tij përpara të pranishmëve të PS-së, kryesocialisti e vuri theksin te hapja e partisë.
“Partia Socialiste duhet të provojë që është e hapur për të gjithë. Përgjegjësia e PS – nënvizoi Rama – është që ta bëjë të pakthyeshëm progresin e bërë në drejtësi, në rang ndërkombëtar apo në ekonomi. PS ka një përgjegjësi të madhe historike mendoj unë, sot që flasim, sepse gjithë këtë progres që është bërë, i cili është një progres që duhet të vazhdojë, duhet ta garantojë dhe ta bëjë të pakthyeshëm në drejtësi, në ekonomi, në pozicionin ndërkombëtar të Shqipërisë. Për çfarë e bëjmë ne këtë proces?”, – deklaroi Rama.
Ai përmendi se duhet bërë vetëkritikë dhe vetëpërmirësim në kushtet kur “sipas tij nuk janë të sfiduar nga një kundërshtar”.
“Ne e bëjmë këtë proces, sepse për mua, duhet ta bëjmë me shumë vetëdije vetëkritikën dhe vetëpërmirësimin tonë në kushtet kur nuk jemi të sfiduar nga një kundërshtar përballë”, tha Rama.
Kreu i socialistëve para pak ditësh zbriti vetë në terren dhe nisi turin e takimeve me organizatat e PS në të gjithë Shqipërinë për t’u përgatitur për zgjedhjet e 2025. Në fokus të këtyre takimeve është procesi i rienergjizimit të PS-së, porosi të cilën Rama e la me prioritet për drejtuesit e qarqeve në mbledhjen e Asamblesë së 21 shkurtit, duke kërkuar anëtarësime të reja.
j.l./ dita
I eshte keputur rrondelja Timonierit e po thyhet me dysh nga qeverisja bloze e ekonomia troke.
Po pra, po!!! Jo pra, jo!!! 🤣
Se përcmon Ethem Lalaj anonimsat këtu se thonë të vërtetat e mendimeve të tyre ashtu si i kanë. Në fakt anonimsat e vërtetë janë ata që kanë emër e mbiemër, edhe fytyrë e surrat, por nuk thonë atë që mendojnë por shtiren, lajkatojnë, lëpijnë…dhe mezi presin rastin sa të të shqyejnë megjithë kocka!!!
Pa shih rrjetet sociale, hipokrizinë e “friends”-ave(gjoja miqve) që janë me emër e mbiemër e surrat gjithfarëlloj “selfie”-sh, se si lëpijnë me e-moi zemrash, lulesh, e vulash “Respect”një dallkauk e harbut, vetëm se duan ta kenë mirë me të, “..se s’dihet si vjen puna..”
Po shihja fejsbukun e një gazetari investigativ të njohur (miku dhe i Thanos🤣), që e lëshon llafin e këpuste fjalë që s’i mbante asnjë “kandar” moral nga ata dhe ato “friend”-set që të shesin moral gjithë ditën e gjithë natën nëpër ekrane. Po do ti, mbushur postimeve të tij me fjalë banale, likuar e lajkatuar, e komentuar me vlerësime postimet nga lloj-lloj njerëzish në dukje seriozë, deputetë e ish-deputete, profesoresha e politikane, të vjetra e të reja, nga ato që po t’i kishte bërë dikush tjetër pa rëndësi e peshë sociale, të bënin bllok direkt e të bënin për “një lek” me ato “e-moi”-it e zemërimit !!!
Po shih në “forumin e nerum të DITA-s” ti, rrallëkush nga komentuesit thotë një pohim a vlerësim për komentuesit e tjerë, qoftë edhe pjesërisht, lere pastaj për artikujt dhe shkrimet e gazetës! Edhe kur iu pëlqen një koment a batutë e dikujt, edhe janë dakort, meazallah se e thonë një fjalë të mirë, rrinë të heshtur, “si muta” – do thoshte Edison Ypi, se iu vjen inat dhe kanë haset që e ka thënë Demua ose Intelektuali ose Ethemi ose Phoenix-i(bie llafi), dhe jo ata/ato!!!
Ja, këta “muta” jemi ne !!! (përfshirë edhe mua)