Arabia tundon edhe sulmuesin francez Karim Benzema për sezonin e ardhshëm. E ardhmja e sulmuesit francez të Real Madridit mund të mos jetë në “Santiago Bernabéu”. Ish-“Topi i artë” që rinovoi automatikisht deri në vitin 2024 tetorin e kaluar, nuk është i sigurt se cilën fanellë do të veshë sezonin e ardhshëm.
Sipas Relevo, fajin e ka një ofertë miliona dollarësh nga qeveria saudite. Dy vjet në një normë prej 200 milionë euro për sulmuesin për të luajtur në tokat arabe. Përveç kësaj, në ofertë do të kishte edhe një marrëveshje që të ishte imazhi i kandidaturës së përbashkët me Egjiptin dhe Greqinë për të pritur Botërorin 2030.
Pas një sezoni me shumë ulje-ngritje, Benzema vazhdon të mbjellë dyshime në bordin e Merengue pas paraqitjeve të fundit jashtë fushës. Më introvert se zakonisht, kapiteni nuk u shfaq në dorëzimin e titullit të Kupës së Mbretit para fansave të tij, duke shtuar zërat për divorc të mundshëm.
