Ministria e Kulturës ka nisur zbatimin e programit të ri “Art në hapësirat publike” dhe një i tillë është realizuar në Malësinë e Madhe, përkatësisht në aksin rrugor që lidh pikën kufitare të Hanit të Hotit me Malin e Zi.
Lajmi bëhet i ditur nga Rama, i cili ka publikuar fotot duke uruar qytetarët për një të diel të mbarë.
Kjo vepër thotë kryeministri është realizuar nga artisti Sadik Spahija.
Vepra artistike është vendosur në mesin e rrethrrotullimit.
“Mirëmëngjes dhe me një prej veprave të para të programit të ri të Ministrisë së Kulturës, “Art në hapësirat publike”, e vendosur në Malësinë e Madhe, në aksin kombëtar që lidhet me pikën kufitare të Hanit të Hotit, realizuar nga artisti Sadik Spahija, ju uroj një të diel të mbarë”, shkruan Rama.
j.l./ dita
