Avokado është bërë vitet e fundit një nga frutat më të shitur në botë, përfshi edhe Shqipërinë. Gjithnjë e më shumë njerëz po e përfshijnë ushqimin në dietën e tyre, pasi ka shumë përfitime.
Avokado është një ushqim i pasur me yndyrna të pangopura, ka një sasi të madhe vitaminash, kaliumi, mineralesh dhe fibrash, të cilat e bëjnë atë një nga opsionet më të mira për ta përfshirë në një dietë të ekuilibruar. Edhe kështu, siç ndodh me të gjitha ushqimet, sipas OCU (Organizata e Konsumatorëve dhe Përdoruesve), ka persona të caktuar që për shkak të gjendjes shëndetësore, duhet të kenë kujdes kur konsumojnë frutat.
OCU shpjegon se njerëzit që ndjekin një dietë hipokalorike duhet të kufizojnë konsumin e avokados, pasi ajo ka një sasi të madhe yndyre dhe kalori: për çdo 100 gramë, ka rreth 150 kilokalori. Është i ndaluar gjithashtu edhe për personat me dështim të veshkave, pasi ka një sasi të lartë kaliumi. Dhe së fundi, avokadot mund të shkaktojnë reaksione alergjike tek disa njerëz, veçanërisht ata alergjikë ndaj lateksit.
