Bashkimi Evropian filloi punën për paketën e 17-të të sanksioneve që synojnë Rusinë, sipas një raporti nga portali EUObserver.
Burime bëjnë me dije se procesi i hartimit të kufizimeve të reja ka filluar, edhe pse është ende në faza shumë të hershme.
Sipas një diplomati tjetër të BE-së, shërbimi i jashtëm i BE-së dhe Komisioni Evropian janë angazhuar aktivisht në këtë përpjekje, me propozime që ka të ngjarë të paraqiten në fillim të verës.
EUObserver theksoi gjithashtu se BE mund të përballet me sfida në sigurimin e miratimit për paketën e re të sanksioneve, veçanërisht për shkak të potencialit për një veto nga Hungaria. Budapesti mund të pengojë gjithashtu zgjatjen e sanksioneve aktuale ekonomike të BE-së kundër Rusisë, të cilat u zgjatën për gjashtë muaj të tjerë në fund të janarit.
i.b./dita
