Presidentja e Komisionit Evropian Ursula von der Leyen u është përgjigjur tarifave të SHBA-ve për aluminin dhe çelikun e shpallur brenda natës, duke thënë se blloku do të përgjigjet me “kundërmasa të forta dhe proporcionale”.
“Më vjen shumë keq për vendimin e SHBA për të vendosur tarifa ndaj eksporteve evropiane të çelikut dhe aluminit. Tarifat janë taksa – të këqija për biznesin, më keq për konsumatorët. Tarifat e pajustifikuara ndaj BE-së nuk do të mbeten pa përgjigje – ato do të shkaktojnë kundërmasa të forta dhe proporcionale”.
Sipas saj, BE-ja do të veprojë për të mbrojtur interesat e saj ekonomike.
“Ne do të mbrojmë punëtorët, bizneset dhe konsumatorët tanë”.
Tarifat prej 25 për qind të Shteteve të Bashkuara për çelikun dhe aluminin do të zbatohen nga 12 marsi, sipas dekretit të nënshkruar të hënën nga presidenti Donald Trump, i cili po vazhdon luftën e tij tregtare me taksa të rritura.
“Kam përcaktuar se importet e artikujve prej çeliku… paraqesin një rrezik për dëmtimin e sigurisë kombëtare”, shkroi Trump në tekstin e tij, duke shpjeguar se ai po i jepte fund rregullave aktualisht “në fuqi më 12 mars”.
Republikani lëshoi një urdhër të veçantë për importet e aluminit.
Bashkimi Evropian nuk ka marrë “asnjë njoftim zyrtar” për tarifat e reja doganore të SHBA-ve, tha Komisioni të hënën pasi Donald Trump njoftoi zbatimin e tarifave 25 për qind për “të gjithë çelikun” që mbërrin në Shtetet e Bashkuara.
j.l./ dita
