Byroja Kombëtare e Hetimit ka zhvilluar këtë të martë, kontrolle në ambientet e Bashkisë së Tiranës. Hetuesit, sipas të dhënave të para kanë sekuestruar dokumentacione që lidhen me udhëtimet e kryebashkiakut Erion Veliaj.
Ata ishin ende në mesditë në godinën e Bashkisë. Deri në këto momente nuk janë bërë të ditura të tjera detaje.
Kryebashkiaku Veliaj, nën hetim nga SPAK, u arrestua më 10 shkurt 2025 dhe prej asaj kohe ndodhet në paraburgimin e Durrësit. Ai po përballet me një proces gjyqësor në GJKKO, ku akuzohet për korrupsion dhe pastrim parash.
Veliaj ka mohuar akuzat ndaj tij dhe ka deklaruar se është i pafajshëm.
n.s. / dita
