Sekretari amerikan i Shtetit Anthony Blinken zhvilloi mbrëmjen e sotme në Mynih një takim me kryediplomatin kinez Wang Yi,
Në një intervistë që dha për rrjetin televiziv amerikan NBC, vetë Blinken tha se Wang Yi nuk kërkoi falje për incidentin me balonën.
Sipas një zëdhënësi të Departamentit të Shtetit, kryediplomati amerikan paralajmëroi gjithashtu kryediplomatin e Kinës për “pasojat” me të cilat do të përballet Pekini nëse zbulohet se i ofron “mbështetje materiale” Rusisë në luftën e saj me Ukrainën.
Blinken i tha NBC se SHBA ka inteligjencë se Kina mund të ofrojë ndihmë ushtarake për Rusinë, duke përfshirë armë, dhe se ky është shqetësimi i tyre kryesor.
Sipas Sekretarit Amerikan të Shtetit, gjatë takimit me Ëang Yi-n nuk ricaktoi datën për udhëtimin e tij në Kinë, i cili u shty për shkak të incidentit me tullumbace.
Por ai përsëriti deklaratat e bëra nga presidenti amerikan Joe Biden se ai synon të flasë me homologun e tij kinez në të ardhmen.
Takimi zgjati rreth një orë, gjatë të cilit të dy patën një “shkëmbim të sinqertë pikëpamjesh” për Tajvanin, me Blinken që theksoi rëndësinë e ruajtjes së paqes dhe stabilitetit në rajon.
m.b./dita
