Yair Lapid, kryeministri izraelit dhe presidenti amerikan, Joe Biden, kanë nënshkruar një deklaratë të përbashkët të enjten e 14 korrikut, e cila riafirmon partneritetin dhe bashkëpunimin e të dyjave vendeve kur bëhet fjalë për Iranin.
Nënshkrimi i deklaratës erdhi pas një takimi të mbajtur mes dy liderëve.
Aty, përsëritet angazhimin i SHBA-ve për të siguruar që Irani të mos marrë kurrë armë bërthamore dhe se vendi është “i përgatitur të përdorë të gjithë elementët e fuqisë së tij kombëtare për të siguruar atë rezultat”.
Gjithashtu SHBA-të u zotuan të vijojnë punën me vendet partnere për të ndaluar përpjekjet e Iranit për të destabilizuar rajonin si drejtpërdrejt ashtu edhe nëpërmjet përfaqësuesve si Hezbollahu, Hamasi dhe Xhihadi Islamik Palestinez.
Memorandum Mirëkuptimi
Deklarata i referohej gjithashtu Memorandumit të Mirëkuptimit prej 38 miliardë dollarësh për ndihmën e sigurisë, e cila është nënshkruar gjatë dekadave të fundit nga administratat e njëpasnjëshme amerikane.
Edhe këtë herë Qeveria amerikane deklaroi bindshëm se të dyja vendet do të ecin përpara me memorandumin.
Marrëveshjet e Abrahamit
Izraeli falënderoi SHBA-të për mbështetjen e tyre në Marrëveshjen e Abrahamit.
Palët përsëritën rëndësinë e Forumit Negev që u mbajt muajin e kaluar në Bahrein.
Deklarata shprehu angazhimin e SHBA-ve në përpjekjet për zgjerimin e marrëveshjeve me Arabinë Saudite në vizitën e ardhshme të Biden gjatë fundjavës.
Marrëveshja e Abrahamit çoi në një lulëzim në tregtinë dypalëshe midis Izraelit dhe shteteve të Gjirit, kryesisht Emiratet e Bashkuara Arabe.
Një vit pas nënshkrimit të marrëveshjeve, Izraeli tha se priste të kishte rreth 3 miliardë dollarë në vëllim tregtar me Emiratet e Bashkuara Arabe deri në vitin 2024 – shumë më poshtë se eksportet prej 24 miliardë dollarësh të Emirateve të Bashkuara Arabe në 2019 në destinacionin e saj kryesor, Arabinë Saudite.
Emiratet e Bashkuara Arabe dhe Izraeli kishin ndërmjet 600 dhe 700 milionë dollarë në tregtinë dypalëshe, thanë zyrtarët e Emirateve të Bashkuara Arabe në atë kohë.
Sulmet anti-izraelite dhe antisemite
Të dy kombet riafirmuan përkushtimin e tyre për të luftuar kundër përpjekjeve për të bojkotuar dhe delegjitimuar Izraelin, si dhe përpjekjet për ta veçuar atë në mënyrë të padrejtë në organizata të tilla si Kombet e Bashkuara dhe Gjykata Penale Ndërkombëtare.
Deklarata gjithashtu angazhohet për të luftuar kundër antisemitizmit.
Marrëdhëniet izraelito-palestineze
Lidhur me tensionet midis Izraelit dhe palestinezëve, të dy kombet dënuan serinë e sulmeve terroriste në muajt e fundit dhe pohuan “nevoja për t’u përballur me forcat radikale, që kërkojnë të ndezin tensionin dhe të nxisin dhunën dhe terrorizmin”.
Biden ripohoi mbështetjen e tij për një zgjidhje mes dy shteteve dhe shprehu gatishmërinë e SHBA-ve për të punuar me Izraelin dhe Autoritetin Palestinez që të bëhet një zgjidhje paqësore tensioneve.
a.m/dita