Rasti i Palencias nuk ka qenë i vetmi. Mediat spanjolle raportuan pak minuta më parë edhe për dy qytetarë të tjerë, një burrë dhe një grua, se humben jetën gjatë votimit. Edhe Ourense dhe Almendralejo kanë përjetuar një ditë tragjike zgjedhjesh. Në rastin e parë, një 76-vjeçar vdiq teksa priste të hidhte votën e tij në një qendër votimi në Eiroas. Siç u konfirmua nga nën-delegacioni i qeverisë, burri filloi të mos ndihej mirë, ndërsa ishte në radhë në një tavolinë në CEIP Covadonga. Për shkak të kësaj ngjarjeje, qendra e votimit u mbyll 50 minuta më vonë, në momentin kur u ndërpre votimi.
Ndërkohë në Almendralejo ka ndërruar jetë një e moshuar teksa shkonte për të votuar e shoqëruar nga të afërmit e saj. Burime policore kanë konfirmuar se ngjarja ka ndodhur në qendrën e votimit të spitalit të vjetër del Pilar, kur gruaja ka pësuar infarkt dhe ka ndërruar jetë menjëherë.
