Departamenti Amerikan i Shtetit ka rikonfirmuar pezullimin e Dialogut Strategjik me Kosovën, duke ritheksuar shqetësimet e Uashingtonit lidhur me veprimet e qeverisë kujdestare në Prishtinë.
Në një deklaratë për median Nacionale, zëdhënësi i DASH-it thekson se qëndrimi i SHBA-ve i është përcjellë në mënyrë të qartë Kryeministrit në detyrë, Albin Kurti.
“Ne ia kemi shprehur shqetësimet tona drejtpërdrejt Kryeministrit dhe e kemi bërë qëndrimin e qeverisë së Shteteve të Bashkuara plotësisht të qartë. Shtetet e Bashkuara do të jenë gjithmonë një mik i ngushtë i popullit të Kosovës dhe ne jemi plotësisht të përkushtuar ndaj partneritetit tonë,” – deklaroi zëdhënësi i DASH-it.
SHBA-të theksojnë se kërkojnë bashkëpunim të ngushtë me institucionet në Kosovë, por sipas deklaratës, ky bashkëpunim duhet të bazohet në shmangien e veprimeve që rrezikojnë stabilitetin në rajon.
“Ne duam të ecim përpara me qeverinë kujdestare, por na duhet një partner që e kupton nevojën për të shmangur veprimet destabilizuese dhe është i përkushtuar për të çuar përpara stabilitetin rajonal dhe për të mbrojtur të drejtat e të gjithë qytetarëve të Kosovës,” – shton më tej deklarata.
Sipas DASH-it, vlerësimet për veprimet e qeverisë në Prishtinë do të vazhdojnë, ndërsa aktualisht nuk ka zhvillime të reja për të njoftuar në këtë drejtim.
j.l./ dita
Hiq dore nga Amerika dhe fut Kinen ne loje, amerika ka mare fund. Jepi dicka Kines ne shkembim te mbrojtes.
Amerika e ka çliruar dhe ndihmuar Kosoven, por e ka lene me pavaresi te cunguar qysh kur serbet dhe minoritetet qe jane nen 10% e popullsise kane 17% te deputeteve ne kuvend, gjithashtu nuk lejohet shtrirja e sovranitetit te plote ne Veri te Kosoves. Albini po vepron shume mire dhe nuk ka bere asnje shkelje te Kushtetutes.
Zoteri Mandi,
Servet bashk me minoritetet tjera perbejne me pak se 7% te populleise. Dhe servet me 2% te populleise pretendojne te kontrollojne ~17% te territorit te Kosoves, perfshire Trepçen dhe liqenin e Ujmanit.