Nga Fatma Diko
Për ata prindër që jetojnë në një shtëpi të vogël, por kanë dy ose më shumë fëmijë, duhet të përballen me vështirësitë që u mungon numri i dhomave të gjumit për secilin fëmijë. Kështu që ndarja e dhomës së gjumit bëhet e vetmja mundësi. Nëse fëmijët janë dy djem ose dy vajza, bëhet një punë e lehtë për të hartuar dhe organizuar dhomën e gjumit për ta. Por kur kemi një djalë dhe një vajzë, problemi bëhet më i ndërlikuar dhe i vështirë. Sido që të jetë rasti, mënyra se si e dekoroni hapësirën, mund të ketë një ndikim të madh në mënyrën sesi vëllezërit dhe motrat do të ndërveprojnë me njëri-tjetrin.
Dhoma e gjumit të fëmijeve duhet të jet një hapësirë për të ndezur imagjinatën, për t’u ndjerë të sigurt dhe të rehatuar. Duhet vetëm një ekuilibër i imagjinatës fëmijërore, me prakticitetin dhe stilin e të rriturve, për të arreduar ambientin e tyre.
LUANI ME NGJYRAT
Ndoshta nuk dini nga të filloni. Prandaj gjëja e parë është të mund të bëjmë një ndarje të hapësirave dhe çfarë më mirë sesa të na ndihmojë përdorimi i ngjyrave. Nuk do të thotë që këto ndahen vetvetiu, por falë tyre mund të kemi dy hapësira të kufizuara. Meqenëse çdo njëri prej femijeve, djali apo vajza, do të dëshirojë të ketë anën e tij të dhomës. Kjo është arsyeja pse ju mund të zgjidhni midis një blu, ose një vjollcë. Në këtë rast, mendimet e të vegjëlve hyjnë në lojë.
SHTONI PRIVATËSI ME NJË TENDË
Çdo fëmijë e do një strofkë, është një shtesë e zgjuar për një dhomë gjumi të përbashkët.
Ata mund të zgjedhin të luajnë sëbashku nën tendë, ose ta përdorin atë si një hapësirë për t’u larguar nga njëri-tjetri. Mund t’i blini, ose të bëni vetë një që do të përshtatet në mënyrë të përkryer. Tenda është po aq e thjeshtë për t’u krijuar, sa të varni një çarçaf mbi një element të ngjitur në tavan dhe ta fiksoni atë në dy pika në mur. Gjithçka që mbetet është ta mbushni me një qilima komode dhe jastëkë.
MAKSIMIZONI HAPËSIRËN E DYSHEMESË
Duke përdorur modelin e krevatit marinar, përfitojmë më shumë nga hapësira e dyshemesë në dhomën e gjumit, gjë që është e rëndësishme kur keni dyfish rroba, lodra dhe personalitet në një dhomë. Do të thotë gjithashtu se vëllezërit e motrat mund të veprojnë në sfera të ndryshme. Gjithashtu mund të zgjidhni krevat marinari, që funksionojnë pothuajse si dhoma krejtësisht të ndara, gjë që ju lehtëson në krijimin e një hapësire funksionale për fëmijët tuaj.
GUXONI ME POZICIONIMIN E MOBILJEVE
Mos mendoni se duhet të përshtateni me traditat e simetrisë, kur bëhet fjalë për mënyrën e ndarjes së dhomës së gjumit të fëmijëve. Në fakt, përzierja e mënyrës së rregullimit të mobiljeve në një dhomë gjumi mund të ketë një ndikim të madh në paraqitjen e dhomës. Në vend që të kërkojnë simetri për të zonuar dhomën për secilin fëmijë, shtretërit vendosen pothuajse kurriz me shpinë për të dominuar një cep, duke liruar pjesën tjetër të hapësirës për nevojat e tyre individuale.
AKSESORËT
Aksesorët janë elementë që femijet përfshihen më lehtë. Ato mund të krijojnë, ose prishin një skemë. Mund të kuroni me një përzgjedhje aksesorësh sa kreativë dhe zbavitës. Nga tapetët, tek vizatimet që do të varen në mure. Bazat e llambave dhe ndriçimi është gjithashtu një tjetër element i shkëlqyeshëm në dizajnin e dhomës së gjumit të fëmijëve, sepse ato vijnë në një mori ngjyrash dhe formash që mund të tërheqin dhe fëmijët.
Për ta bërë dekorin argëtues, merrni parasysh një temë që ata të dy e duan, përshembull një personazh nga një libër ose film. Nëse kanë diferencë në moshë, do të thotë se interesat e tyre janë shumë të ndryshme, zgjidhni diçka të përgjithshme dhe të lehtë, si p.sh. një letër murale, me dizajn më elegant.