Një bisedë telefonike intensive është zhviluar midis presidentit amerikan, Donald Trump dhe kryeministrit izraelit, Benjamin Netanyahut javën e kaluar lidhur me çështjen e Iranit, në kundërshtim me deklaratat publike rreth komunikimit të dy udhëheqësve në një atmosferë të mirë.
Sipas raportimit të Channel 12 News biseda u karakterizua nga mosmarrëveshje të forta, me Trumpin që i tha Netanyahut se do një zgjidhje diplomatike me iranianët. Ai theksoi se beson në aftësinë e tij për të arritur një marrëveshje të mirë.
Sipas të njëjtit burim, presidenti amerikan theksoi interesin e tij për një marrëveshje që do t’u shërbente interesave të të dyja palëve. Nga ana e saj, megjithatë, zyra e Netanyahut mohoi se ishte një “bisedë e tensionuar” me Trumpin.
Të enjten e kaluar, pas telefonatës Trump-Netanyahu, zyra e kryeministrit izraelit tha në një deklaratë se të dy udhëheqësit “ranë dakord mbi nevojën për të siguruar që Irani të mos pajiset me armë bërthamore”.
j.l./ dita
