Mbrojtësi i Real Madrid, Nacho Fernandez nuk e ka vendosur ende të ardhmen e tij megjithatë spanjolli duket me “valixhet” gati. Kontrata e tij skadon në muajin qershor dhe Nacho kërkon garanci nëse do të përfshihet në projektin e sezonit të ardhshëm.
Por, me ofertat që nuk i mungojnë, 33-vjeari nuk është i shqetësuar dhe në “Pole Position” për shërbimet e spanjollit është Interi. Zikaltërit janë të gatshëm t’i ofrojnë një kontratë trevjeare Nachos që vlerësohet për eksperiencën e fituar gjatë periudhës së tij me madrilenët, por edhe për aftësinë e tij për t’u përshtatur në disa role të repartit difensiv.
Gjithsesi, Inter nuk është vetëm në garën për Nacho Fernandez pasi nga Spanja, Villareal po vlerëson mundësinë që të firmosë me mbrojtësin teksa në sezonin e ardhshëm “nëndetësja e verdhë” do të marrë pjesë në grupet e Europa League. Pak ditë më parë ishte Asensio që i komunikoi klubit Largimin, me destinacion Aston Villa, teksa edhe veteranët Benzema, Modriç dhe Kroos gjithashtu janë në largim për shkak të moshës.
