Mëngjesin e sotëm kanë mbërritur në Shqipëri emigrantët e parë të kapur në bregdetin italian, sipas marrëveshjes të nënshkruar mes kryeministrit Edi Rama dhe homologes italiane, Giorgia Meloni. Nga foto shihet anija ushtarake ‘Libra’, e cila ka mbërritur pranë portit të Shëngjinit.
Kjo anije u nis më 14 tetor në brigjet e Lampedusa dhe do të ankorohet sot me grupin e parë të refugjatëve në portin e Shëngjinit. Kontigjenti i parë i emigrantëve që Italia nisi drejt Shëngjinit, është i përbërë nga 16 persona. Janë të gjithë meshkuj me origjinë nga Egjipti dhe Bangladeshi.
Pak ditë më parë u vendosën në funksion qendrat në Shëngjin dhe Gjadër ku do të akomodohen emigrantët e kapur nga autoritetet italiane. Sipas protokollit, azilkërkuesit do të marrin një përgjigje brenda katër javësh. Nëse përgjigja është pozitive ata do të transferohen në qendrat e pritjes në Itali, ndryshe do të kthehen në vendin e tyre të origjinës.
j.l./ dita
Lampedusa ska toke per kampe?
E shikoni si përsëriten skenarët? Edhe më 7 prill të 39-ës me anije luftarake erdhën. Asokohe pati mjaft “patriotë” që dolën ke bulevardi dhe i pritën me buqeta me lule “shpëtimtarët”. Po kësaj here a është menduar për “pritje madhështore”? Kush do e presi shiritin e inagurimit?