Teksa liderët globalë u mblodhën për t’i dhënë fund luftës në Gaza, presidenti turk Recep Tayyip Erdogan i premtoi kryeministres italiane Giorgia Meloni se do të gjente një mënyrë për ta bindur të linte duhanin.
Erdogan, i njohur për fushatat e tij kundër duhanit, iu drejtua Melonit duke i thënë: “Dukesh shumë mirë. Por duhet të të bëj të lësh duhanin.”
Në atë moment, presidenti francez Emmanuel Macron, që ndodhej pranë tyre, ndërhyri me një buzëqeshje: “Është e pamundur!”
“E di, e di,” u përgjigj Meloni, duke shtuar me humor se lënia e duhanit ndikon në gjendjen e saj shpirtërore: “Nuk dua të vras dikë.”
Në disa intervista, Meloni ka rrëfyer se kishte rifilluar duhanin pas 13 vitesh që e kishte lënë.
j.l./ dita
