Paraqitjet e shkëlqyera me Kombëtaren e ndihmuan Etrit Berishën të nisë një etapë të re në karrierë.
Në moshën 34-vjeçare, portieri kuqezi largohet nga futbolli italian dhe do të aktivizohet në Superligën turke. Berisha ka gjetur akordin me klubin e Fatih Karagumruk dhe pritet që në orët në vijim të finalizojë firmosjen e kontratës.
Gardiani vlerësohet si një përforcim i rëndësishëm për ekipin nga Stambolli, që sezonin e kaluar u stërvit nga Andrea Pirlo dhe u pozicionua i shtati në elitën e futbollit turk.
Etrit Berisha mbyll aventurën në futbollin italian pas dhjetë vjetëve, ku ka luajtur me Lacio, Atalanta, SPAL dhe Torino.
p.k\dita
