Një grua që mund të “nuhasë Parkinsonin” ndihmoi shkencëtarët për të krijuar një test për pikasjen e sëmundjes. Parkinsoni është sëmundje e trurit që degradon rëndë pjesët e tij.
Testi është prej vitesh në zhvillim pasi akademikët kuptuan se Joy Milne nga Perth, Skoci, ka nuhatje të zhvilluar dhe mund të dallojë sëmundjen. 72-vjeçarja vuri re se bashkëshorti i saj i ndjerë, Les, kundëërmonte ndryshe në moshën 33-vjeçare, rreth 12 vite përpara diagnostikimit.
Ajo tha se burri i saj nisi të kishte një aromë “myshku”, ndryshe nga zakonisht. Les vdiq në vitin 2015 në moshën 65-vjeçare.
Kjo aftësi e saj ngacmoi interesin e shkencëtarëve, që tani, vite më vonë, kanë zhvilluar një testim që kryhet duke kaluar një pambuk të thjeshtë në qafën e të sëmurit. Nga mostra e marrë identifikohen molekulat e lidhura me sëmundjen për të ditur nëse pacienti vuan prej saj. Testi nuk është përfundimtar sepse është ende në fazat e testimit, por në rast se rezulton i suksesshëm jashtë laboratorëve, diagnostikimi do të jetë më i shpejtë.
Shkencëtarët mendojnë se aroma mund të shkaktohet nga një ndryshim kimik në yndyrën e lëkurës ose serumin, i nxitur nga sëmundja. Në fazat e para, Milne iu kërkua të nuhaste bluzat e të sëmurëve me Parkinson dhe të njerëzve të shëndetshëm.
Ajo i identifikoi saktësisht bluzat e pacientëve me Parkinson, por tha se veshja e njërit prej tyre pa sëmundjen kundërmonte si ajo. Tetë muaj më vonë, pacienti u diagnostikua me Parkinson.
Milne ka thënë se ndonjëherë ajo mund të nuhasë njerëz të rastësishëm në rrugë ose supermarket që kanë Parkinson, por eticienët mjekësorë e kanë këshilluar se nuk mund t’i njoftojë.
Te lutem na bej nje nder, hajde disa ore ne Shqiperi ku je e pranuar per metoden tende te diagnostikimit per parkinsonin nga shkencetaret dhe mbaji ere Saliu, Ilirit, Edit, Monikes e disa rrangullinave te tjere, mendoj qe me kete semundje kane prej vitit 1990.
Shqiptaret do te falenderojne perjetesisht….