Është e rrallë dhe e sikletshme të dëgjosh histori të lidhjeve incestuale të çifteve që bien në dashuri dhe përfundojnë të kenë fëmijë, por ata ekzistojnë.
Një shembull i radhës që ka tronditur së fundmi Spanjën, është rasti me protagonistë Anën dhe Danielin, (vëlla-motër nga ana e babait), që janë çift prej 9 vitesh dhe që jetojnë në Granollers (Barcelona).
Siç kanë shpjeguar në rrjetin mediatik “Cuatro”, ata kanë dy fëmijë, por tani duan të hedhin hapin e fundit dhe të martohen. Problemi? Ata kanë gjetur një armik të pamundur për të mposhtur: Kodin Civil, që nuk lejon martesa të të njëjtit gjak.
Babai i Anës e braktisi nënën dhe Anën kur ajo ishte e vogël. Disa vite më vonë, ajo zbuloi se babai kishte arritur të rindërtonte jetën e tij dhe se kishte pasur një djalë tjetër.
Kur mbushi 20 vjeçe filloi të ishte kurioze të dinte se si ishte ky vëlla nga ana e të atit, duke filluar ta kërkonte në rrjetet sociale për të vendosur kontakte. Pas miqësisë së Facebook, shpejt u shndërrua në një lidhje romantike dhe më tej: lindja e dy fëmijëve!
“Ne nuk e kemi atë lidhje vëlla e motër që kanë të tjerët, nuk jemi rritur bashkë. Problemi ynë i vetëm është neni 47 i Kodit Civil që ndalon martesën mes “të afërmve në vijë të drejtë, me lidhje farefisnore, ose birësuese”. Kërkojmë sensibilizim, pasi pa mbështetje publike për ndryshimin e ligjit, është e pamundur martohemi”, dëshmojnë ata.
a.q. / dita
