Brazili u zgjua këtë të martë me një lajm të trishtë. Trupi i aktorit të famshëm të telenovelave, Jefferson Machado (44 vjeç), është gjetur brenda një bauleje druri, i cili ishte nën një pllakë çimentoje disa metra të thellë, në oborrin e një shtëpie në komunën braziliane Campo Grande. Aktori, i cili ishte zhdukur për më shumë se katër muaj, kishte shenja të dukshme dhune. Ekspertët gjyqësorë konsiderojnë se aktori ka vdekur nga mbytja apo dhuna ekstreme.
Sipas njoftimeve të policisë, kufoma, e cila u gjet në gjendje të mumifikuar, ishte e lidhur me shirit ngjitës që i mbulonte duart dhe këmbët, kishte një shami që mbulonte gojën dhe një kabllo telefoni që ishte mbështjellë rreth qafës. Nga ana tjetër, nuk përjashtohet mundësia që braziliani të jetë vrarë, pasi zbuloi se ishte viktimë e një mashtrimi financiar, duke qenë se disa nga fondet apo pasuritë e tij që ishin në ruajtje, i ishin përvetësuar në mënyrë të paligjshme.