Partia qeverisëse e Japonisë dhe opozita kryesore do të formojnë një qeveri koalicioni. Kjo duke përgatitur terrenin që Sanae Takaichi të bëhet kryeministrja e parë femër e vendit. Mediat e huaja shkruajnë se Sanae Takaichi, udhëheqësja e Partisë konservatore Liberale Demokratike dhe Hirofumi Yoshimura, kreu i Partisë më të vogël të Inovacionit të Japonisë, do të nënshkruajnë një marrëveshje mbi aleancën e tyre të hënën.
Takaichi u bë udhëheqëse e LDP-së në pushtet në fillim të këtij muaji, por përpjekja e saj për t’u bërë kryeministrja e parë femër e Japonisë u pengua nga rënia e koalicionit të saj qeverisës. Që atëherë, LDP ka punuar për të krijuar një aleancë të ndryshme politike, duke i rikthyer shanset e saj për postin e lartë në rrugën e duhur.
“LDP-ja i ka besuar Takaichi-t trajtimin e çështjes së koalicionit, ndërsa JIP do të mbajë një mbledhje të bordit ekzekutiv në Osaka të dielën dhe një takim plenar të ligjvënësve ditën tjetër përpara se të japë miratimin përfundimtar për marrëveshjen me LDP-në”, raportoi Kyodo.
Raportet për një koalicion të ri vijnë pasi partneri i vogël i LDP-së, partia Komeito, u largua nga koalicioni qeverisës pas 26 vitesh, duke e zhytur vendin në një krizë politike. Vulosja e një aleance midis LDP-së dhe JIP-së mund të çojë në zgjedhjen e Takaichi-t si kryeministër që të martën, por partitë janë ende dy vende larg shumicës për të kaluar votimin.
Lëvizjet për të formuar një koalicion vijnë vetëm disa ditë para mbërritjes së pritur në Japoni të Presidentit të Shteteve të Bashkuara, Donald Trump. Trump është planifikuar të udhëtojë për në Japoni përpara samitit vjetor të Bashkëpunimit Ekonomik Azi-Paqësor në Korenë e Jugut.
j.l./ dita
