Misioni i NATO-s në Kosovë, KFOR, konfirmoi se ka pranuar kërkesë nga Serbia lidhur me kthimin e deri 1.000 trupave ushtarake dhe policore serbe në Kosovë.
“Aktualisht jemi duke e shqyrtuar” këtë kërkesë. KFOR vazhdon të jetë jashtëzakonisht vigjilent dhe plotësisht i aftë të përmbushë misionin e tij që derivon nga Kombet e Bashkuara, “u tha në përgjigjen e KFOR-it dërguar Radios Evropa e Lirë.
Më 15 dhjetor, autoritetet në Serbi bënë të ditur se kanë vendosur që t’i drejtohen KFOR-it me kërkesë për dislokimin e trupave në Kosovë.
Presidenti i Serbisë, Aleksandar Vuçiç deklaroi se është e qartë se kërkesa do të refuzohet.
Serbia këtë kërkesë e ka bërë duke u thirrur në Rezolutën 1244 të Këshillit të Sigurimit të Kombeve të Bashkuara, teksa tensionet mes Kosovës dhe Serbisë janë rritur ditëve të fundit.
o.j/dita
Plani i axhendes ne vijim e siper.
Pse nuk fusni trupat ushtarake ne Serbi ?
Po nuk keni turp KFOR!