Kolegji i Posaçëm i Apelimit po shqyrton sot çështjen e Alfred Ballës, kryetarit të Këshillit të Lartë të Prokurorisë për të cilin Komisioni i Pavarur i Kualifikimit ndërpreu procesin e vettingut me argumentin se ky i fundit nuk gëzon statusin e magjistratit.
Alfred Balla u zgjodh në KLP, si kandidat i propozuar nga shoqëria civile, ndërkohë që ai me herët ka mbajtur postin e këshilltarit ligjore të Gjykatës së Lartë në vitin 2007.
Ndërkohë që Komisioneri Publik ka ankimuar vendimin e Vettingut për Ballën, duke rikthyer në vëmendje se kreu i KLP nuk gëzon statusin e magjistratit.
Në përfundim të mandatit, Alfred Balla kërkon që të ushtrojë funksionin në një prej prokurorive të Apelit, por sipas Komisionerit Publik, Alfred Ballës i duhet hequr e drejta për 15 vite te ardhshme për të ushtruar funksione në sistemin e drejtësisë pasi nuk gezon statusin e magjistratit.
Kolegji i Posaçëm i Apelimit pritet të japë vendimmarrje për çështjen e kreut të KLP.
Pjesë nga vendimi:
Subjekti depozitoi në Komision një ankim ndaj vendimit të mospranimit të kërkesës për pezullimin e procesit të rivlerësimit.
- Operacioni Ndërkombëtar i Monitorimit paraqiti opinionin se ankimi i paraqitur në Kolegjin e Posaçëm të Apelimit (në vijim Kolegji) përmes Komisionit nuk duhet të pranohet nga ky i fundit dhe nuk duhet t’i përcillet/dërgohet Kolegjit, pasi ai vendim i ndërmjetëm procedural mund të ankimohej vetëm me një ankimim eventual kundër vendimit të Komisionit që ka gjykuar/rivlerësuar subjektin e rivlerësimit. Një vendim tjetër procedural do të binte në kundërshtim me ligjin dhe me një proces ekonomik gjyqësor.
- Trupi gjykues, me vendimin nr. 4, datë 30.1.2023, vendosi mospranimin e ankimit të subjektit të rivlerësimit. Vendimi i arsyetuar i është njoftuar subjektit të rivlerësimit.
- Subjekti i rivlerësimit, z. Alfred Balla, është emëruar këshilltar ligjor në Gjykatën e Lartë, me vendimin datë 2.4.2012, me gjyqtarin A.M. Z. Balla ka punuar për 5 vjet në këtë pozicion dhe me urdhrin nr. ***, datë 31.7.2017, “Për lirim nga detyra” të kryetarit të Gjykatës së Lartë, ai është liruar nga ky pozicion (këshilltar ligjor), pasi gjyqtarit M, pranë të cilit punonte, i ka mbaruar mandati.
- Rezultoi se subjekti ka plotësuar të gjitha dokumentet e nevojshme lidhur me procesin e Vettingut, pas hyrjes në fuqi të ligjit nr. 84/2016. Për sa i përket kriterit të aftësisë profesionale , rezulton se z. Balla, ish-këshilltar ligjor i Gjykatës së Lartë, nuk mori pjesë në provimin për rivlerësimin kalimtar ex officio, të organizuar nga Shkolla e Magjistraturës në datat 7 dhe 8 maj 2018. 14. Kuvendi i Shqipërisë, me vendimin nr.
***
“Për përzgjedhjen e anëtarëve të Këshillit të Lartë të Prokurorisë”, ka përzgjedhur si anëtar nga Shoqëria Civile z. Balla. Ky vendim ka hyrë në fuqi në datën 14.2.2018. 15. Subjekti i rivlerësimit Alfred Balla ka depozituar në Komision në rrugë elektronike (me email) dokumentacionin4 e emërimit, lirimit nga detyra pranë Gjykatës së Lartë, si dhe dokumentacionin provues ligjor, në të cilin mbështet deklarimet dhe shpjegimet e lartpërmendura.
Komisioni mori informacion nga Kuvendi lidhur me procedurat e ndjekura për përzgjedhjen e subjektit si anëtar i Këshillit të Lartë të Prokurorisë.
- Këshilli i Lartë Gjyqësor, me vendimin nr.***, datë 24.05.2023, vendosi “Përfundimin pa vendim përfundimtar të shqyrtimit të kërkesës për pasje /njohje të statusit të këshilltarit/ndihmësit ligjor jomagjistrat të Z. Alfred Balla, për shkak të heqjes dorë”.
j.l./ dita
