Kosova sot është në ditë zie në nderim të policit Afrim Bunjaku i cili u vra të dielën e 24 shtatorit gjatë përleshjeve me një grup kriminal prej 30 personash të armatosur në veri të Kosovës, në fshatin Banjskë të Zveçanit e banuar me shumicë serbe.
Flamujt e të gjithë institucioneve do të ulen në gjysmë shtizë.
Presidentja e Kosovës, Vjosa Osmani shpalli ditën e sotme ditë zie dhe flamujt e të gjitha institucioneve do të ulen në gjysmështizë dhe do të kryhen nderimet e rastit.
Mbrëmjen e djeshme u ndezën qirinj dhe u kryen homazhe për policin 50 vjec nga Vushtria. •Në orët e vona të mbrëmjes së djeshme kryeministri Albin Kurti deklaroi se operacioni për kapjen e anëtarëve të grupit të armatosur që sulmuan policinë e Kosovës përgjatë gjithë ditës së djeshme do të vijojë.
Nga shkëmbimi i zjarrit mbetën të vrarë edhe 3 sulmues ndërsa 6 ishin arrestuar, 2 prej tyre të plagosur.
Edhe Kryeministri Edi Rama ka reaguar sot sërish për vrasjen e policit në Kosovë, teksa vendi e ka shpallur ditën e sotme ditë zie kombëtare.
Shtohen serbët e vrarë
Mediat në Kosovë bëjnë të ditur se pas shkëmbimeve të zjarrit në fshatin Zveçan në veri numri i serbëve të vrarë është shtuar.
Gazeta Sinjal raporton se dyshohet të ketë shkuar 10 numri i të asgjesuarve serbë në dy luftimet në Manastir.
Ndërkohë konfirmimi zyrtar i Ministrisë së Brendshme mbetet ai i tre sulmuesve të vrarë dhe një të arrestuari.
j.l./ dita
