Kosova ka nënshkruar Marrëveshje për Tregti të Lirë me shtetet e Asociacionit Evropian për Tregti të Lirë (EFTA), ku bëjnë pjesë Islanda, Lihtenshtajni, Norvegjia dhe Zvicra.
Në ceremoninë e nënshkrimit në Davos të Zvicrës, anëtarët e EFTA-s dhe kryeministri i Kosovës, Albin Kurti, thanë se kjo marrëveshje do të sjellë përfitime të dyanshme.
Marrëveshja ofron mundësi të shumta, përfshirë për importimin dhe eksportimin e mallrave. Produktet me origjinë nga Kosova do të mund të eksprotohen në vendet e EFTA-s dhe kompanitë vendore nuk do të kenë nevojë që të paguajnë tarifë doganore për to.
Deri më tani, prodhuesit vendorë janë detyruar që të paguajë deri në 10 për qind tarifë shtesë doganore.
Marrëveshja u arrit pas më shumë se dy vjetësh negociata dhe sipas kryesueses së EFTA-s, Cecilie Myrseth, Kosova është vendi i parë në rajonin e Ballkanit Perëndimor që në këtë marrëveshje, me kërkesë të saj, ka përfshirë edhe shërbimet.
Kryeministri i Kosovës, Albin Kurti, tha se me këtë marrëveshje hapet kapitulli i përforcimit i raporteve ekonomike, por edhe i avancimit të raporteve tregtare mes shtetit të tij dhe anëtarëve të EFTA-s.
“Marrëveshja që nënshkruajmë sot themelon një kornizë për marrëdhënie tregtare midis shteteve të EFTA-s dhe Kosovës si dhe do të krijojë mundësi të reja duke i dhënë Kosovës qasje në tregjet e EFTA-s. Këtu hapen mundësi të reja eksporti për bizneset tona dhe integrim më i thellë në kornizën ekonomike evropiane, duke na mundësuar që të garojmë në një shkallë të gjerë”, tha Kurti gjatë ceremonisë së nënshkrimit.
Kryeministri kosovar tha se është i bindur se kjo marrëveshje do të sjellë përfitime për bizneset, industritë dhe qytetarët.
Kryesuesja e EFTA-s, Cecilie Myrseth, tha se kjo marrëveshje është arritje e madhe për integrimin e Kosovës në sistemin global.
“Jam e bindur se kjo do të shtyjë përpara rritjen ekonomike, duke krijuar mundësi për bizneset e reja dhe qytetarët në të dyja palët”, tha ajo.
Vitin e kaluar, Kosova ka shënuar rritje ekonomike prej rreth 4 për qind dhe rënie të inflacionit. Por, shteti përballet me nivel të lartë të importit, krahasuar me atë të eksportit.
Myrseth nga EFTA tha se viteve të fundit, tregtia mes shteteve të EFTA-s është rritur shumë dhe ka arritur në mbi 176 milionë euro.
“Me lidhjen e Marrëveshjes për Tregti të Lirë mund të presim që tregtia të rritet edhe më shumë”, theksoi ajo.
EFTA tha se përveç shërbimeve financiare janë përfshirë edhe të drejtat e pronësisë intelektuale.
Kosova tha se me marrëveshja të tilla synon të tërheqë investitorët e huaj që të investojnë në vend.
EFTA është krijuar më 1960 me synimin që të promovojë tregtinë e lirë.
Marrëveshje për Tregti të Lirë Kosova ka nënshkruar edhe me vendet e Evropës Qendrore (CEFTA). Kjo marrëveshje, ku bëjnë pjesë shtetet e Ballkanit Perëndimor dhe Moldavia, synon rritjen e tregtisë së mallrave dhe shërbimeve, eliminimin e barrierave tregtare mes palëve dhe tërheqjen e investimeve./ REL
Pak e sak Nikoqir i pabuje i kombit .Roma nuk u ndertua ne nje dite.Marreveshjet e tua jane marreveshje me buke,Hapat e tua jane te vegjel,por te sigurte.
Kryeminister ma te papergjegjshem se sa Albin Kurtin veshtire se do te kete Kosova.
Europa nuk do qe Kosova te ndihet komplet e izoluar, eshte duke dhene sinjalin, nderroni qeverine, tju hapim rrugen per bashkpunim.
Keto marrveshje i kane firmosur para shume vjetesh te gjitha shtetet, Shqip[eria eshte qysh prej vitit 2007.
Pse qenka i papergjegjshem Albin Kurti?Pse nuk pranon republika Serbcka ne Kosove?E sheh c`po ben Dodiku ne Bosnje?I ka bere kartat gati per shkeputje nga Bosnja dhe bashkim paqesor me Serbine.Kush do e ndaloje?Trumpi jasht Amerikes mender -Vrafshin veten! Ne Kosove frymojne me pak se 5% serbe.Me pak se jane hungareze dhe shqiptare ne Serbi.
VELLEZER KOSOVARE
RUAJENI ALBININ
PO NUK JU PELQEU
E NDERROJME ME ERVININ
QE SPYET PER VATANIN
SHITET PER DY LEKE
PER NJE VIT A DY
JU LE KREJT PA BREK
Nuk shkulet Lajcaku.a 1 muaj qe e kane hequr,ka vajtur ne Davos te takoje Vucicin per Associacionet.
Nuk ka Associaciobe ne Kosove Laceeee1Marreveshja e Ohrit fillon me njohjen e Kosoves nga Serbia.Serbia nuk njeh Kosoven.Kosova nuk njeh Associaciobet.Serbet ne Kosove jane me mire se ne Serbi.I kane te gjitha te drejtat edhe te drejten mos paguajne Elektrikun,ujin,qirate.As ne Amerike nuk i gjen keto te drejta.
Aman o demo se na hape barkun me këtë Kosovën . Po kush po çan kokën a derëzi për një krahinë të pjerdhur ballkanike ? Bota ka të tjera probleme e halle sidomos në këto momente , që po jeton një nga kohët më të turbullta të historisë . Ti , në një vrimë i bije fyellit .