Kryeministrja e Serbisë, Ana Brnabiç do të zhvillojë vizitë njëditore në Kosovë, ditën e hënë më 5 shtator.
Lajmin e kanë bërë të ditur mediat serbe, të cilat shkruajnë se Brnabiç do të vizitojë Mitrovicën, Zveçanin dhe Leposaviçin.
Së bashku me të, do të jenë edhe drejtori i të ashtuquajturës Zyre për Kosovë, Petar Petkoviç dhe drejtori i Zyrës për IT dhe e-Qeverisje, Dr. Mihailo Jovanoviç.
Brnabiç do të fillojë vizitën e saj në Mitrovicë, ku do të vizitojë qendrën e parë multimediale në veri të Kosovës dhe Metohisë dhe Akademinë Shpirtërore.
Pas kësaj është planifikuar një vizitë në manastirin e Banjskës në komunën e Zveçanit.
Kjo do të jetë vizita e parë e Brnabiç në Kosovë në rolin e kryeministres së Serbisë.
o.j/dita
