Zyra e kryeministrit të Kosovës, Albin Kurti, ka reaguar pas publikimit të një telefonate prank nga dy komedianë rusë, të cilët e kanë telefonuar Kurtin duke pretenduar se ai po fliste me presidentin e Letonisë, Edgar Rinkevics.
Në deklaratë thuhet se rrengu i komedianëve rus ka ndodhur me 11 shkurt pak ditë pas zgjedhjeve dhe zyra e kryeministrit pranon autenticitetin e plotë të telefonatës dhe shpjegon se, për shkak të fluksit të komunikimeve pas zgjedhjeve telefonata nuk ishte verifikuar menjëherë, dhe Kurti ka folur me komedianët sikur po fliste me presidentin e Letonisë.
Zyra e kryeministrit thotë se, pavarësisht se kjo telefonatë është private, aty reflektohen qëndrimet parimore të kryeministrit, të cilat janë të njëjta si në deklaratat publike, ashtu edhe në ato private.
Deklaratë e plotë e Zyrës së Kryeministrit
“Ngjarja ka ndodhur më 11 shkurt, pak pas zgjedhjeve të 9 shkurtit, në një periudhë kur kryeministri Kurti po pranonte mesazhe të shumta urimi dhe thirrje për rezultatin e zgjedhjeve.
Për shkak të kohës, jo gjithmonë ishte e mundur të kryheshin verifikimet e plota të çdo telefonate.
Ky incident fatkeq përforcon atë që kemi e ditur prej kohësh: Rusia është e fiksuar pas Kosovës dhe vazhdon ta ketë cak vendin tonë.
Gjatë fushatës zgjedhore për zgjedhjet parlamentare të 9 shkurtit, Sputnik Serbia dhe Russia Today (RT) publikuan mbi 60 lajme të rreme dhe artikuj dezinformues, duke ndërhyrë në procesin tonë demokratik, siç dokumentohet nga Misioni i BE-së për Vëzhgimin e Zgjedhjeve.
Teksa na vjen keq që kryeministri Albin Kurti u bë shënjestër e një thirrje të tillë, ky episod rikonfirmon qëndrimet parimore dhe konsistente të kryeministrit Kurti për çështjet kyçe, si në biseda publike ashtu edhe në ato private”, thuhet në reagimin e zyrës së kryeministrit të Kosovës.
i.b./dita
Kryeministri Kurti kurre nuk do te piqet por tere jeten do te mbetet adoleshent.
Kur dinë edhe muzhikët të bëjnë humor. Po Putanën kur do ta telefonojnë?
E hengri Shtepia Bardhe me gjithe Sekratarin e Shtetit Rubio,Sekretarin e Mbrojtjes Wance,Shefin e CIA dhe gjithe Shtabi Trumpit qe ka ne dore Fatet e Botes,jo mos genjehet Kurti.Ec Kurti se nuk ke thene ndonje sekiret shteteror,Te vertetat qe ua ke thene sy per sy ke thene.
Nje selam ‘Mollos’-it: Sikur ta dije vertet ti sa i manget je per te vleresuar personalitetin e Albin Kurtit, do te shtinte vetja n’gjynah!!!
Mos u brengos per mua ooooo SPIRA sepse une mire jam. Brengosu per qytetaret e Kosoves qe kane nje udheheqes te paditur dhe kokeforte qe per cdo dite po e fundos Kosoven ne fund te pusit.