Gjashtë persona janë arrestuar nga policia kombëtare gjatë një operacioni kundër kultivimit dhe trafikimit të marijuanës që ka zhvilluar në fund të muajit janar në Espluga Calba.
Operacioni u krye në datat 17 dhe 26 janar dhe përfundoi me arrestimin e gjashtë personave me kombësi shqiptare dhe spanjolle, të cilët dyshohet se kanë formuar një grup kriminal për trafikun e drogës, i krijuar në Espluga Calba.
Shkas për operacionin policor ishte ndërprerja e energjisë e regjistruar disa ditë më parë që preku gjysmën e qytetit. Ky operacion ka bërë të mundur çmontimin e shtatë impianteve të brendshme në të cilat kishte pothuajse tetëdhjetë drita dhe transformatorë elektrikë.
m.b./dita
