Lazio nuk ia del dot të kalojë në turin tjetër të Ligës së Konferencës, kurse Roma i mbijetoi vizitës në Spanjë, me ekipin bask të Real Sociedad. Ekipi i Igli Tares u mund 2-1 nga AZ Alkamar, po aq sa e humbi takimin edhe në shtëpi një javë më parë. Kurse Roma bëri pikërisht skuadrën italiane në ndeshjen e kthimit me Sociedadin, në “Reale Arena”, në San Sebastian për Europa League. Verdhekuqtë thjesht administruan fitoren 2-0 të “Olimpicos”, duke e mbyllur pa gola ndeshjen e dytë për të prerë biletën për në fazën çerekfinale të Europa League-s.
Kualifikim i lehtë për Bayer Leverkusen, që sikurse në takimi e parë fitoi 2-0 “Puskas Arena” ndaj Ferencvarosit, duke u kualifikuar me rezultat të përgjithshëm 4-0. Golat për “Aspirinat” u shënuan nga Diaby dhe Adli. Vijon më tej edhe skuadra belge Royale Union, që shkatërroi 3-0 Union Berlinin, teksa takimi i parë në kryeqytetin gjerman ishte mbyllur 3-3. Një tjetër ekip me trofe në kupat europiane, por që ikën para kohe, ishte edhe Villareal, që u eliminua për surprizë në shtëpi nga Anderleht 0-1, teksa ndeshja e parë në Belgjikë kishte përfunduar 1-1. Uest Hem shkatërroi 4-0 qipriotët e Larnacës, kurse Nice fitoi 3-1 dhe kaloi për një të tetat e Ligës së Konferencës.
