Izraeli nuk do të pranojë vendosjen e forcave të armatosura turke në Gaza sipas një plani amerikan për t’i dhënë fund luftës në territorin palestinez, tha Ministri i Jashtëm, Gideon Saar.
Sipas raportimeve, marrëdhëniet dikur të ngrohta turko-izraelite janë përkeqësuar në mënyrë drastike, me presidentin turk, Rexhep Tajip Erdogan, që kritikoi ashpër fushatën shkatërruese ajrore dhe tokësore të Izraelit, duke i krahasuar veprimet e tij me ato të nazistëve dhe duke e akuzuar vendin për gjenocid.
“Vendet që duan ose janë të gatshme të dërgojnë forca të armatosura duhet të jenë të paktën të drejta me Izraelin”, tha Saar në një konferencë për shtyp në Budapest.
“Turqia, e udhëhequr nga Erdogan, udhëhoqi një qasje armiqësore kundër Izraelit, duke përfshirë jo vetëm deklarata armiqësore, por edhe masa diplomatike dhe ekonomike. Pra, nuk është e arsyeshme për ne që të lejojmë forcat e tyre të armatosura të hyjnë në Rripin e Gazës dhe ne nuk do të pajtohemi me këtë dhe ua thamë miqve tanë amerikanë”, tha Saar, duke folur së bashku me homologun e tij hungarez, Peter Szijjarto.
j.l./ dita
