NASA ka lëshuar me sukses një raketë nga Territori Verior i largët i Australisë, duke bërë histori si lëshimi i parë komercial i agjencisë në portin hapësinor jashtë Shteteve të Bashkuara.
Sipas Equatorial Launch Australia (ELA), zhvilluesi, pronari dhe operatori i qendrës, raketa u lëshua në mesnatën e kaluar nga Qendra Hapësinore e Arnhem në Rrafshnaltën Dhupuma, pranë qytezës Nhulunbuy. Raketa pritet të udhëtojë më shumë se 300 kilometra (186 milje) në hapësirë në misionin e saj për të vëzhguar konstelacionet Alpha Centauri A dhe B – sistemet yjore më të afërt me Tokën.
CNN raporton se Alpha Centauri ka një kuptim të veçantë për Australinë. Ajo është kryesisht e dukshme vetëm nga hemisfera jugore dhe është një nga “treguesit” drejt konstelacionit të Kryqit të Jugut që shfaqet në flamurin e vendit, sipas Reuters.
Ngjarja bëri histori për Australinë si nisja e parë komerciale në hapësirë në vend. Ishte i pari nga tre lëshimet, me dy të tjera të planifikuara për 4 korrik dhe 12 korrik. Këto do të kryejnë studime astrofizike që mund të bëhen vetëm nga hemisfera jugore, sipas NASA-s. Michael Jones, kryetar ekzekutiv dhe CEO i grupit të ELA, tha se ishte një natë historike.
“Ne kurrë nuk mund të kishim ëndërruar të kishim një partner kaq mbështetës, me përvojë dhe profesionist si NASA. Ata kanë qenë jashtëzakonisht bujarë duke na ndihmuar në këtë rrugëtim dhe ne do të jemi një organizatë shumë më e mirë për mbështetjen e tyre”, tha Jones në një deklaratë.
j.l./ dita
