Eurodeputetja gjermane Viola Von Cramon-Taubadel ka folur pas samitit të datave 23 dhe 24 qershor që u mbajt në Bruksel në lidhje me zgjerimin e Bashkimit Europian.
Për Viola von Cramon, Samiti në mes të shteteve të Ballkanit Perëndimor dhe Bashkimit Evropian ka qenë një dështim i plotë.
Sipas saj, mosmarrja e asnjë vendimi konkret për Ballkanin Perëndimor, është një sinjal jo i duhur për të ardhmen evropiane e këtyre shteteve.
Cramon më tej ka shprehur indinjatën e saj edhe kundër Komisionit Evropian, dhe se sipas saj ajo qesh kur dëgjon se komisioni e quan veten komision gjeopolitik.
“Bosnja e Hercegovina nuk e ka marrë statusin e kandidatit, aq më keq Maqedonisë së Veriut dhe Shqipërisë nuk ju nisën negociatat për anëtarësim dhe Kosova nuk ka marrë liberalizimin e vizave. Më duhet të pranoj, jam tmerrësisht i zhgënjyer me Komisionin Evropian”.
Ndryshe zëdhënësi i Këshillit Evorpian, Barend Leyts, një ditë më parë përmes një statusi në rrjetin e tij social në Twitter, kishte treguar se cilat janë përfundimet e nxjerra për Ballkanin Perëndimor në Samitin e Bashkimit Evropian, të mbajtur këtë të enjte në Bruksel.
Në këto konkluzione, nuk u përmend fare liberalizimi i vizave për Kosovën, por vetëm bëhej fjalë për zgjidhjen dhe normalizimin e marrëdhënieve mes Kosovës e Serbisë.
j.l./ dita
