Kryeministri i Kosovës, Albin Kurti dhe presidenti i Serbisë, Aleksandar Vuçiç, do të takohen nesër më 27 shkurt në Bruksel në kuadër të dialogut, ku do të diskutojnë për propozimin e Bashkimit Evropian për normalizimin e raporteve, të njohur si Plani Evropian ose plani franko-gjerman.
Nga Bashkimi Evropian dhe Shtetet e Bashkuara të Amerikës kanë thënë se presin që në takimin e së hënës të dyja palët ta pranojnë edhe zyrtarisht e publikisht propozimin, si dhe të diskutohet për zbatimin e tij.
Kryeministri Albin Kurti dhe presidenti serb Vuçiç, për herë të parë do të diskutojnë për propozimin franko-gjerman, përmes të cilit synohet arritja e marrëveshjes përfundimtare mes dy vendeve.
Këshilltari i Departamentit amerikan të Shtetit, Derek Chollet, tha se Kosova dhe Serbia duhet të zbatojnë marrëveshjet që janë arritur në bisedimet e ndërmjetësuara nga Bashkimi Evropian dhe është koha për të diskutuar për Asociacionin e komunave me shumicë serbe.
Deklaratat e tij vijnë pas një bisede me kryeministrin e Kosovës, Albin Kurti në prag të takimit të planifikuar për të hënën me presidentin e Serbisë Aleksandar Vuçiç në Bruksel.
Emisari i SHBA-së për Ballkanin Perëndimor, Gabriel Escobar, ka thënë se normalizimi i marrëdhënieve Kosovë – Serbi, është kyç për stabilitetin rajonal dhe evropian.
I pyetur rreth nënshkrimit eventual të planit gjermano-francez për zgjidhjen e mosmarrëveshjes ndërmjet Serbisë dhe Kosovës në stabilitetin rajonal, Escobar u përgjigj se normalizimi i marrëdhënieve ndërmjet Serbisë dhe Kosovës, përmes dialogut të ndërmjetësuar nga BE, mbetet kyç për rajonin dhe atë evropian.
Ai konkludoi se normalizimi do të hapë dyert për integrimin politik dhe ekonomik të Serbisë dhe Kosovës në Evropë dhe do të kontribuojë në një stabilitet dhe prosperitet më të madh në të gjithë Ballkanin Perëndimor.
“Sepse (Presidenti rus Vladimir) pushtimi brutal dhe i pajustifikuar i Putinit në Ukrainë dhe ndikime të tjera malinje synojnë të mbjellin ndarje”, tha Escobar në një intervistë për argjencinë e lajmeve të Malit të Zi, MINA.
Ai konkludoi se normalizimi do të hapë dyert për integrimin politik dhe ekonomik të Serbisë dhe Kosovës në Evropë dhe do të kontribuojë në një stabilitet dhe prosperitet më të madh në të gjithë Ballkanin Perëndimor.
j.l./ dita
