Sa e vështirë qenka t’i gjejmë fjalët për ta ngushëlluar zotin Xhevdet Shehu për ndarjen nga jeta të djalit të tij, Albanit.
Çfarë t’i themi këtij babai që humbi të birin mu në moshën më të bukur. Të gjitha formulat që thuhen në raste të tilla duken si paratë që pësojnë inflacion të rëndë.
Megjithatë, te fjalët e te urtësia popullore do të kapemi, si i mbyturi që rreket të kapet te shkuma e ujit…Po kujtojmë një shprehje ngushëlluese të Malësisë sonë që thotë: ”Largo Zot të paprimen!” (të papriturën).
E paprimja (ndarja nga jeta e një djali të ri) ka qenë dhe është gjithmonë e rëndë për çdo prind, prandaj sado t’i zgjedhim fjalët, sido që ta rrotullojmë gjuhën, nuk mund t’ia pakësojmë pikëllimin, por vetëm mund t’i themi se kur tragjeditë prekin zemrat e burrave të mëdhenj, sikundër është edhe gazetari e shkrimtari i njohur Xhevdet Shehu, nuk mund të bëjmë tjetër, veçse t’i kujtojmë se burri i mirë dallohet në ditë të vështirë.
Meqë të kemi mik e “Anëtar Nderi” të Sofrës sonë, po të kujtojmë një shembull nga Malësia e Madhe.
Edhe Ded Gjo Lulit të Hotit, Hero i Popullit, “Nderi i Kombit” i qenë vrarë në luftë të dy djemtë, Kola e Gjergji, dy nga më sokolat e Mbishkodrës. Dhe ai, ashtu siç veprohet në raste të tilla nga burrat e fortë, e mposhti dhimbjen dhe vazhdoi betejat e veprimtarinë e vet deri sa do të vritej edhe ai.
Edhe nga fusha e letrave dhe e shkencave ka raste të vdekjeve të papritura e tragjike të bijve të figurave të shquara. Në vitet ‘80, mbaj mend se edhe Profesor Eqrem Çabejt i pat vdekur tragjikisht i biri, Artani, në moshën djaloshare.
Edhe ky njeri i madh i shkencës shqiptare, pas ditëve të zisë, u kthye në zyrë dhe, duke e mposhtur pikëllimin, gjeti forcën te puna dhe i vazhdoi studimet e tij.
Miku ynë i dashur, zoti Xhevdet Shehu,
Na ndiej e na fal se po të kujtojmë shembuj të tillë e të lypim miqësisht ta kthesh dhimbjen në forcë! E dimë, ndërkaq, se për të mos na lënduar, ti nuk do të na kthesh përgjigje me gojë, por me zemër e me mendje mund të na thuash: “Mirë, po ku ta gjejë forcën? Ku dhe si gjendet ajo lloj force, që të mposhtet një dhimbje kësodore?”
Vetëm te puna, te krijimtaria jote, po dhe te mbështetja e çiltër dhe e pakufishme morale që të japin të gjithë ata që të njohin e të duan, që të vlerësojmë si burrë të zotin, si gazetar të veçantë e si shkrimtar erudit, si mik e njeri të dashur edhe të Malësisë e të malësorëve, si “Anëtar Nderi” i Shoqatës sonë “Sofra e Malësisë”Tiranë.
Të përqafojmë e të sigurojmë se e kemi ndjerë thellë dhimbjen tënde e të familjes suaj dhe jemi pranë jush me gjithë zemër e plot pikëllim…
Xhemal Brahja, Kryetar i i Shoqatës Atdhetare “Sofra e Malësisë”. Akademik Gjovalin Shkurtaj. Botuar në DITA, Tiranë, 09 korrik 2023
Mos na raftë me ngushëllue shpesh për dhimbje si kjo e një prindi, si Xhevdeti, gazetar dhe mik i gjuhëtarëve, i dashtun prof. Gjovalini! I paskeni thurë një kryeshlndosh me ia vendosë bash te fotoja e tij – e paharrueme për prindët! Dritë pastë e Xhevdeti qëndroftë i fortë si ata burra të përmendun, që ia keni rreshtue për t’i dhanë forcë! Ju paçi shëndet e kjofshi faqebardhë për ngushëllimin publik familjes së tij.
Pa fjale! Ngushellime! Si lexuese I lexoj me kenaqesi shkrimet e Tij!!! Po njerzit e mire I rendoka fati keq!
Përshëndetje Profesor Gjovalini e mik fort i dashtun!
Nuk e kam ditë për ngjarjen e po më vjen shumë keq….
Përveçse me ja ngjallë, çka se bën as perëndia, nuk mund ti dedikohesh e ngushëllosh kaq me zemër e gjetje krahasuese…..
Paç jetën e gjatë me shkrua për gjera (dashtë Zoti) të gëzueshme!
Të përqafoj e të fala….
Ndajme hidherimin me gazetarin e nderuar e te respektuar per vdekjen e parakoheshme te djalit te vet . Xhevdetin e njohim permes shkrimeve te tij si gazetar i talentuar me bindje te konsoliduara atdhetare e me karakter te forte , qe do te dije ta perballoje kete dhimbje .
Poda
Për Xhevdetin.
Ti e vetëm ti ndjen sa e madhe është rëndesa e kesaj humbjeje. Ti e vetem ti sheh fuqishëm qëndrueshmerin humane të projektuar e materializuar nga evlati që largohet në valën e jetes.
Me aktivitetin e juaj të përditëshëm, urtësia rezatuese që përcjell, më bën që të besoj se jeta do vazhdojë më e bardhë, më e dashur në të mirë të shqiptarëve kudo qofshin.
/e njoh vetem nga publiçistika e tij/
Mbahu. Ver një gur në zemër dhe mbylle aty. Atje ku ka shkuar Albani do shkojmë herët a vonë të gjithë. Është e rëndë, por nuk ke rrugë tjetër, do bëhesh i fortë për veten dhe për të tjerët
Ngushellime tè sinqerta per Djalin.je gazetar realist,shkruan sakte jo shpifje.Z XH Shehu je i respektuar i nderuar Une.lexues thjeshte popull.i shkrimeve tè tua.
Ngushellime, i nderuar dhe i dashur, Xhevdet Shehu! Ngushellime gjithe familjes tuaj!
Humbja eshte tmerresisht e rende dhe ashtu siç shkruajne dy personalitet me siper, kjo fatkeqesi perballohet vetem me durim, në pranine e miqve te vertete dhe me rikthimin ne punen e perditeshme.
Ne te tille raste fjalet varferohen dhe ia lene vendin përshpirtjes, nderimit ne heshtje te thelle per njeriun e shtrenjte, qe u nda nga jete kaq papritur. Bashkohem ne hidherimit tuaj te madh.
E mira ,ndofta e ka nje limit,por e keqja nuk ka fund.
Mjere ai qe e gjen e keqja dhe i shkakton dhembje te tmerrshme shpirterore!
Shpesh ndodh qe behet pyetja e rende ndaj fatit: Perse valle kaq e rende< perse valle tek une qe vetem te mira kam bere??
Por nuk ke cfare te besgh. Fatkeqesia nuk troket ne dere dhe as te pyet. Ajo thyen deren dhe copton zemren e fatkeqit.
Prandaj Z. Xhevdet,njeriu i nderuar ,qe shkruan aq bukur dhe aq mire per te tjeret,bej kurajo. Mos u ligeshto . Qendro i forte,merr force nga dashamiresit! I ndrit shpirti djalit Ngushellime.
Ka te tjere qe humbin djalin edhe duke i mbuluar me turp (larg qofte!)
Në këto qaste të trishtueshme ndajm hidhërimin me familjen dhe gazetarin e publicistin e pa përkulur për humbjen e parakohshme të djalit tij të dashur Albanit ,mos të kujtoi se është i vetëm në këto dhimbje ,oh sa djem e vajza të reja kan humbur jetën këto 30 vjet ,si të qenë gjethe vjeshte,dhe brezat kan rrojtur me lulëzimin e filizave të ri ,pa përkulur kan përballuar dhimbjen.Xhevdeti është i fortë siç ka qenë gjatë gjithë jetës luan i tmerrshëm ,askush nuk ka mundur që ta vërë ndër këmbë gazetarin e dëgjuar ,as ky rrezik i llahtarshëm nuk do ta përkulë.
mentealternativa1.blogspot.com