Një nga 36 partitë dhe koalicionet që morën pjesë në zgjedhje ditën e diel në Greqi mori vetëm një votë dhe kjo gjë tërhoqi vëmendjen e mediave dhe vetë kandidatit për kryeministër.
Pas numërimit të 99,7% të votave, Partia Ekologjiste e Greqisë e politikanit veteran Dimosthenis Vergis mori vetëm një votë dhe kjo vetëm në zonën Athina 1. Por kreu i ambientalistëve grekë, Demosthenes Vergis shprehet se nuk është zhgënjyer nga ky rezultat.
Ai tregon se është në kërkim të votuesit që i dha votën e vetme në qarkun e Athinës, pasi ai dhe bashkëshortja nuk morën pjesë në procesin zgjedhor pasi ndodheshin në Mykonos për pushime.Ky rezultat u komentua gjerësisht në mediat sociale, kryesisht në Twitter.
“Thuhet se ai nuk gjeti as votën e tij në një nga kutitë”, “Mori vetëm një votë në të gjithë Greqinë, as të afërmit e tij nuk e votuan?”, ishin disa nga komentet.
m.b/dita
