Presidenti i SHBA Joe Biden, ka planifikuar të udhëtojë në Spanjë të martën për Samitin e NATO-s që pritet të fokusohet në pushtimin e vazhdueshëm rus të Ukrainës. Samiti i NATO-s vjen menjëherë pas përfundimit të takimeve përfundimtare me udhëheqësit e G7 në Gjermani.
Sipas CNN, pas takimit të së martës në mëngjes me kancelarin Olaf Scholz të Gjermanisë, presidentin e Francës Emmanuel Macron dhe kryeministrine Mbretërisë së Bashkuar Boris Johnson në samitin e G7-s, Biden do të shkojë në Madrid.
Udhëheqësit që marrin pjesë në samitin e NATO-s pritet të miratojnë një “koncept strategjik” të ri që përshkruan synimet e aleancës së mbrojtjes për dekadën e ardhshme.
Samiti vjen pasi pushtimi rus i Ukrainës shtrihet në muajin e tij të pestë dhe ndërsa SHBA kërkon të mbajë aleatët të bashkuar në mbështetjen e saj për Ukrainën dhe të mbajë presionin ndaj presidentit rus Vladimir Putin.
j.l./ dita
