Presidenti rus Vladimir Putin përdori të enjten termin “luftë” për t’iu referuar konfliktit në Ukrainë, hera e parë që ai e quan konfliktin në Ukrainë luftë pas muajsh të tërë që e ka cilësuar një “operacion ushtarak special”.
“Qëllimi ynë është t’i japim fund kësaj lufte”, u tha Putin gazetarëve në Moskë,
Kritikët e Putinit thonë se përdorimi i fjalës “luftë” për të përshkruar konfliktin e Ukrainës ka qenë i paligjshëm në Rusi që nga marsi, kur udhëheqësi rus miratoi një ligj që e quan krim shpërndarjen e informacioneve “të rremë” rreth pushtimit, duke u dënuar me 15 vite burg.
Ende nuk dihet nëse ka qenë një lapsus megjithatë presim komentet e Kremlinit në lidhje me deklaratën e Putinit.
Mijëra janë vrarë, fshatra të tëra janë zhdukur dhe miliarda dollarë infrastrukturë janë shkatërruar që nga fillimi i pushtimit të Putinit në Ukrainë më 24 shkurt.
Komentet e Putinit të enjten erdhën pas një udhëtimi historik të Volodymyr Zelensky në Uashington, ku presidenti ukrainas mbajti një fjalim emocionues në Kongres duke bërë thirrje për më shumë mbështetje.
j.l./ dita
