Hakmarrja e përgjakshme mes klaneve mafioze në itali ndjek sagën e radhës. Djali i ish-shefit të mafies Tammaro Caterino ishte shënjestër e të shtënave me armë në Caserta, Itali. Mëngjesin e së premtes, plumbi i një pistolete goditi pjesën e pasme të makinës tip ‘Fiat’ ku ndodhej i biri i Sebastiano Cetarino, si dhe një shqiptar, identiteti i të cilit nuk u zbulua.
Goditja me armë ndodhi mëngjesin e së premtes në via Michelangelo Buonarroti. E gjitha ishte një mesazh që ka të bëjë me marrjen e një makine me qira. Debati mes djalit të mafies italiane dhe personave që kanë shkaktuar përplasjen me armë dyshohet se ka nisur jashtë një lokali. Pas ngjarjes 2 persona kishin tentuar të arratiseshin. Pavarësisht të shtënave, nuk ka të lënduar. Ndërkohë ka nisur hetimi për personat e përfshirë. Shqiptari dhe Tammaro Caterino u larguan duke e bërë të vështirë për autoritetet gjurmimin e tyre.
Edhe arma e përdorur nuk u gjet. Policia po shikon regjistrimet e kamerave të vëzhgimit në zonë që mund të japin të dhëna të rëndësishme dhe të identifikojnë autorët.
Më herët autoritetet kanë goditur disa herë klanin Caterino me operacione të ndryshme dhe arrestime.