Ka dhënë dorëheqjen shefja e kabinetit të kryeministrit Rama, Vali Bizhga.
Bizhga ka qëndruar pranë administratës së Edi Ramës që prej kohës kur ai drejtonte Bashkinë e Tiranës.
Ajo ka mbajtur një profil të ulët publik, ndërsa është konsideruar krahu i djathtë i kryeministrit.
Mësohet se ky nuk është largimi i vetëm nga stafi shumë i ngushtë i kreut të qeverisë, por këto largime nuk janë bërë publike.
Bizhga sipas burimeve, do zëvendësohet nga Vilma Premti.
Për Premtin dihet vetëm se është person i afërt dhe e besuar e Holta Zaçajt në GJK.
o.p. / dita
