Disa shpërthime ndodhën herët të dielën në lagjen Shevchenkivskiy të kryeqytetit ukrainas, Kiev tha kryetari i bashkisë së qytetit, Vitali Klitschko.
Nuk ka të dhëna për shkakun e shpërthimeve apo viktima.
“Ekipet e ambulancës dhe ekipet e shpëtimit janë dërguar në vendngjarje. Informacion më të detajuar, më vonë”, tha Klitschko.
“Banorët janë duke u shpëtuar dhe evakuuar nga dy ndërtesa”, bëri të ditur ai. Shpërthimet kanë ndodhur pranë qendrës së Kievit.
AFP raportoi se shpërthimet ndodhën rreth orës 6:30 të mëngjesit me orën lokale, gjysmë ore pasi sirenat e sulmit ajror u dëgjuan në kryeqytet, i cili nuk është nën bombardimet ruse për gati tre javë.
Një punonjës i AFP-së në kompleksin rezidencial që u godit, dëgjoi një zhurmë të fortë që i parapriu shpërthimeve.
We just arrived in #Kyiv by train & as soon as we got out of the railway station, city was hit by 4 missile strikes. #war #Russia #invasion #Ukraine @AlessioMamo pic.twitter.com/Rsm7067tnK
— Lorenzo Tondo (@lorenzo_tondo) June 26, 2022
j.l./ dita
