Administrata është rikthyer sërish pasditen e sotme para ambienteve të GJKKO-së për të kundërshtuar arrestimin e kryebashkiakut Erion Veliaj. Mbështetësit e Veliajt i janë afruar godinave të institucioneve të drejtësisë dhe thërrasin në kor “Lali, lali”.
Ndërkohë që duke folur për gazetaren Klodiana Lala, ata janë shprehur se akuzat ndaj Veliajt nuk janë të provuara. Një prej anëtarëve të këshillit socialist të Tiranës, ka deklaruar se ka shkuar aty në mbrojtje të Veliajt.
“Nuk jemi kundra procesit të drejtësisë. Ky është një proces që ka dritëhije. Unë nuk merrem se çfarë ka bërë gjykata e posaçme. Unë jam anëtar i këshillit bashkiak të Tiranës i partisë socialiste. është kandidati më i votuar në këto tre mandate”, tha njëri prej protestuesve.
Ndërkohë që një tjetër protestuese për gazetaren ka deklaruar se është punonjëse e Bashkisë Tiranë dhe ka ardhur në protestë, pasi sipas saj i janë shkelur të drejtat.
“Jam punonjëse e Bashkisë. Protesoj për të drejtat tona dhe të qytetarëve. Në momentin që i shkelet e drejta një kryetari çfarë pret. Janë bërë shumë shkelje, që në momentin e arrestimit të tij, nuk i është kopsitur akoma dosja” tha punonjësja bashkiake.
i.b./dita
Jo po nuk n’a e ka fajn njeri ne si popull.
Ja urdhro ça kekojn ska prova thon.
Po mire ato pallatet qe u ka vajtur metri katror 6mi euro apo e ka fajn Zorro.
Popull dele, lereni drejtsin te bej punen e vet.